ਅੰਗਰੇਜ਼ੀ ਨਾਲ ਸਾਡੀ ਯਾਰੀ ਹੈ ! ਸਾਨੂੰ ਹਿੰਦੀ ਬਹੁਤ ਪਿਆਰੀ ਹੈ ! ਅਸੀਂ ਹਰ ਭਾਸ਼ਾ ਸਤਿਕਾਰੀ ਹੈ ! ਪੰਜਾਬੀ ਨਾਲ ਸਰਦਾਰੀ ਸਾਡੀ ! ਤਾਂ ਪੰਜਾਬੀ ਨਾਲ ਸਰਦਾਰੀ ਹੈ ! (ਅਰਸ਼ੀ ਜੰਡਿਆਲਾ ਗੁਰੂ )

Search This Blog

Tuesday, December 12, 2017

Gazal - Bhajan Aadi

ਸੀਖਾਂ ਦੇ ਵਿੱਚ ਬਹਿ ਕੇ ਚੋਗਾ ਮੁਫ਼ਤ ਦਾ ਖਾਣਾ!
ਛੱਡੋ ਵੀ ਹੁਣ ਪੰਛੀਓ ਪਿੰਜਰੇ ਦਾ ਦੋਸਤਾਨਾ!
ਪਰਵਾਜ਼ ਫਿਰ ਵੀ ਸਾਡੀ ਅੰਬਰ ਤੋੰ ਦੂਰ ਜਾਣੀ,
ਅਾਪਾਂ ਪਰਾਂ ਬਿਨਾਂ ਹੀ ਜ਼ਾਬਿਰ ਦਾ ਸਿਰ ਝੁਕਾਣਾ!
ਤੇਰੀ ਜੇ ਜ਼ਾਤ ਬੰਦਰ ਮੇਰਾ ਹੈ ਨਾਮ ਬਿਜੜਾ,
ਤੂੰ ਆਲਣਾ ਹੈ ਢਾਣਾ ਮੈੰ ਤਾਂ ਸਦਾ ਬਣਾਣਾ!
ਅਰਮਾਨ ਸਾਡੇ ਸੱਧਰਾਂ ਰੀਝਾਂ ਨੇ ਤੈੰ ਉਧਾਲੇ,
ਫਿਰ ਵੀ ਅਦਾ ਤਿਰੀ ਦਾ ਸਾਡਾ ਹੈ ਦਿਲ ਦੀਵਾਨਾ!
ਏਨਾਂ ਨ ਰੂਪ ਦਾ ਤੂੰ ਦਿਲਬਰ ਗੁਮਾਨ ਕਰਨੈ,
ਪਾਣੀ ਦਾ ਬੁਲਬਲਾ ਹੈ ਇਹ ਪੌਣ ਦਾ ਭਕਾਨਾ!
ਘਰ ਘਰ ਚ ਹੋ ਗਿਆ ਹੈ ਜ਼ਹਿਰੀ ਸੱਪਾਂ ਦਾ ਵਾਸਾ,
ਭੁੱਲ ਕੇ ਨਾ ਛੇੜ ਬੈਠੀ ਜ਼ਹਿਰੀ ਸੱਪਾਂ ਦਾ ਢਾਣਾ!
ਆਪੇ ਬਣਾ ਕੇ ਤੈਨੂੰ ਢਾਉਣਾ ਪਵੇਗਾ ਆਪੇ,
'ਆਦੀ 'ਕਦੇ ਨਾ ਭੁੱਲ ਕੇ ਰੇਤਾ ਦਾ ਘਰ ਬਣਾਣਾ!

No comments:

Post a Comment