ਰੱਬ ਨਾਲ ਠੱਗੀਆਂ, ਕਮਾਈ ਜਾਂਦੇ ਹੋ !
ਗੋਲਕਾਂ ਦੀ ਮਾਇਆ, ਕੱਢ ਖਾਈ ਜਾਂਦੇ ਹੋ !!
ਕਹਿੰਦੇ ਹੋ ਕਿ ਕੂਕਰ ਹਾਂ, ਗੁਰੂ - ਘਰ ਦੇ!
ਲੋਕਾਂ ਨੂੰ ਕਿਓਂ ਪਾਗ਼ਲ, ਬਣਾਈਂ ਜਾਂਦੇ ਹੋ!!
ਲੰਗਰਾਂ ਤੇ ਗੋਲਕਾਂ ਤੋਂ , ਕਰ ਝਗੜੇ !
ਪੱਗਾਂ ਵਾਲਿਓ ਓਏ, ਪੱਗਾਂ ਲਾਹੀ ਜਾਂਦੇ ਹੋ !!
ਗਰੀਬਾਂ ਦੇ ਨਾ ਹੱਕਾਂ ਵਿੱਚ, ਤੁਸੀਂ ਖੜਦੇ!
ਧਨਾਢਾਂ ਦੇ ਤਾਂ ਪੈਰੀਂ ਹੱਥ, ਲਾਈ ਜਾਂਦੇ ਹੋ!!
ਗੁਰੂ - ਘਰ ਲੁੱਟ, ਕਰ ਵੱਡੇ ਘਪਲੇ!
ਉੱਚੇ ਮਹਿਲ ਆਪਣੇ , ਬਣਾਈ ਜਾਂਦੇ ਹੋ!!
ਵਿਰਾਸਤਾਂ ਪੁਰਾਣੀਆਂ ਨੂੰ, ਢਾਹ ਢਾਹ ਕੇ!
ਯਾਦਾਂ ਇਤਿਹਾਸਕ , ਮਿਟਾਈ ਜਾਂਦੇ ਹੋ !!
ਕਹਿੰਦੇ ਹੋ ਕਿ ਜਥੇਦਾਰ , ਅਸੀਂ ਕੌਮ ਦੇ!
ਜਥੇਦਾਰੀ ਨੂੰ ਕਿਉਂ ਲੀਕਾਂ, ਲਾਈ ਜਾਂਦੇ ਹੋ!!
ਮੀਤ ਜਿਹਾ ਖੋਲੇ, ਜੇ ਕੋਈ ਥੋਡੇ ਪੋਤੜੇ!
ਬੰਦੇ ਭੇਜ ਉਹਨੂੰ ਵੀ, ਡਰਾਈ ਜਾਂਦੇ ਹੋ!!
🙏ਮੀਤ ਜਰਮਸਤਪੁਰੀ 🙏
No comments:
Post a Comment