Gazal - Bhajan Aadi

ਤੁਸੀਂ ਬੱਦਲਾਂ ਦੇ ਵਾਸੀ ਹੋ ਘਟਾਵਾਂ ਵਿਚ ਤੁਸੀੰ ਰਹਿੰਦੇ!
ਬੜੀ ਪਰਵਾਜ਼ ਹੈ ਉੱਚੀ ਹਵਾਵਾਂ ਵਿਚ ਤੁਸੀੰ ਰਹਿੰਦੇ !
ਸਦਾ ਜੋ ਆਖਦੈ ਮੈਂਨੂੰ ਕਦੇ ਚਿੰਤਾ ਨਹੀਂ ਕਰਨੀ,
ਫਸੇ ਉਹ ਵਾਂਗ ਮੇਰੇ ਹੀ ਚਿੰਤਾਵਾਂ ਵਿਚ ਤੁਸੀੰ ਰਹਿੰਦੇ !
ਪਰਾਏ ਜੋ ਪਰਾਂ ਉੱਤੇ ਉਡਾਰੀ ਮਾਰ ਗਏ ਅੰਬਰੀੰ,
ਤੁਸੀੰ ਧਰਤੀ ਤੇ ਗਿਰ ਕੇ ਵੀ ਹਵਾਵਾਂ ਵਿਚ ਤੁਸੀੰ ਰਹਿੰਦੇ !
ਤੁਸੀਂ ਬਨਵਾਸ ਨੂੰ ਜਾਵੋ ਖੜਾਵਾਂ ਦੇ ਜਾਣਾ ਮੈਨੂੰ,
ਇਨਾਂ ਦੀ ਮੈਂ ਕਰੂ ਪੂਜਾ ਖੜਾਵਾਂ ਵਿਚ ਤੁਸੀੰ ਰਹਿੰਦੇ !
ਚੁਫੇਰਾ ਮਹਿਕਦਾ ਸਾਰਾ ਜਦੋੰ ਬਣਠਣ ਤੁਸੀਂ ਲੰਘਦੇ,
ਫੁੱਲਾਂ ਦੇ ਵਿਚ ਤੁਸੀੰ ਰਹਿੰਦੇ ਹਵਾਵਾਂ ਵਿਚ ਤੁਸੀੰ ਰਹਿੰਦੇ!
ਤੁਹਾਡਾ ਰੂਪ ਦਿਸਦੀ ਹੈ ਸ਼ਰਿਸ਼ਟੀ ਦੀ ਇਹੇ ਰਚਨਾ,
ਤੁਸੀੰ ਧੁੱਪਾਂ 'ਚ ਰਹਿੰਦੇ ਹੋ ਤੇ ਛਾਂਵਾਂ ਵਿਚ ਤੁਸੀੰ ਰਹਿੰਦੇ!
ਨਾ' ਆਦੀ ਸਮਝ ਸਕਿਆ ਹੈ ਤੁਹਾਡੀ ਰਾਮ ਲੀਲਾ ਨੂੰ,
ਤੁਸੀੰ ਕਣ ਕਣ 'ਚ ਰਹਿੰਦੇ ਹੋ ਤੇ ਥਾਂਵਾਂ ਵਿਚ ਤੁਸੀੰ ਰਹਿੰਦੇ!