...........................
ਸੂਰਮੇ ਦੰਭੀ ਨਹੀਂ ਹੁੰਦੇ
ਸੂਰਮੇ ਚਾਲਾਕ ਨਹੀਂ ਹੁੰਦੇ
ਸੂਰਮੇ ਮਾਸੂਮ ਹੁੰਦੇ ਨੇ
ਸੂਰਮੇ ਭੋਲੇ ਹੁੰਦੇ ਨੇ !
ਸੂਰਮੇ ਕਮੀਨੇ ਨਹੀਂ ਹੁੰਦੇ
ਸੂਰਮੇ ਸਾਊ ਹੁੰਦੇ ਨੇ !
ਸੂਰਮੇ ਚੋਰ ਮੋਰੀਆਂ ਨਹੀਂ ਵਰਤਦੇ
ਸੂਰਮੇ ਸਿੱਧਾ ਦਰਵਾਜ਼ਾ ਖੜਕਾਉਂਦੇ ਨੇ !
ਸੂਰਮੇ ਖੰਘੂਰਾ ਨਹੀਂ ਮਾਰਦੇ
ਸੂਰਮੇ ਲਲਕਾਰਾ ਮਾਰਦੇ ਨੇ !
ਸੂਰਮੇ ਹੱਥ ਨਹੀਂ ਅੱਡ ਦੇ
ਸੂਰਮੇ ਹਥਿਆਰ ਚੁੱਕਦੇ ਨੇ !
ਸੂਰਮੇ ਤਖ਼ਤ ਦੇ ਪਾਵੇ ਨਹੀਂ ਹੁੰਦੇ
ਸੂਰਮੇ ਨਗਾਰੇ ਲੱਗੀ ਚੋਟ ਹੁੰਦੇ ਨੇ !
ਸੂਰਮੇ ਰਾਜਮਹਿਲ ਦੀ ਛਾਂ ਨਹੀਂ ਹੁੰਦੇ
ਸੂਰਮੇ ਰਾਜਮਹਿਲ ਦੀ ਅੱਖ ਦੀ ਰੜਕ ਹੁੰਦੇ ਨੇ !
ਸੂਰਮੇ ਵਹੀ ਖਾਤੇ ਨਹੀਂ ਲਿਖਦੇ
ਸੂਰਮੇ ਇਤਿਹਾਸ ਲਿਖਦੇ ਨੇ !
ਸੂਰਮੇ ਆਤਮ ਸਮਰਪਣ ਨਹੀਂ ਕਰਦੇ
ਸੂਰਮੇ ਇੱਕ ਪਾਸਾ ਕਰਦੇ ਨੇ !
ਸੂਰਮਿਆਂ ਦੀ ਢਾਲ , ਢਾਲ ਹੀ ਹੁੰਦੀ ਹੈ
ਸਮਝੌਤੇ 'ਚ ਮਿਲੀ ਕੁਰਸੀ ਨਹੀਂ ਹੁੰਦੀ !
ਸੂਰਮੇ ਜੀਉਣ ਲਈ ਨਹੀਂ ਜੰਮਦੇ
ਸੂਰਮੇ ਸ਼ਹੀਦ ਹੋਣ ਲਈ ਜੰਮਦੇ ਨੇ !
ਸੂਰਮਿਆਂ ਦੀ ਉਮਰ ਕਦੇ ਵੀ
ਨੱਬੇ ਸਾਲ ਨਹੀਂ ਹੁੰਦੀ
ਪਰ ਸੂਰਮੇ ਕਦੇ ਨਹੀਂ ਮਰਦੇ !
ਸੂਰਮੇ ਕਦੇ ਸਰੀਰ ਨਹੀਂ ਹੁੰਦੇ
ਸੂਰਮੇ ਸਦਾ ਜ਼ਮੀਰ ਹੁੰਦੇ ਨੇ !!
- ਅਮਰਦੀਪ ਸਿੰਘ ਗਿੱਲ
No comments:
Post a Comment