ਗੁਮਾਨ ਕਰਨਾ ਵੀ ਹੋਵੇ ਮੈਂ ਤਾਂ ਦੱਸੋ ਕਰਾਂ ਕਿਸ ਗੱਲ ਤੇ - ਪਰਜਿੰਦਰ ਕੌਰ ਕਲੇਰ

ਕਿਤੇ ਹੈ ਸੇਕ ਪਾਣੀ ਦਾ ਕਿਤੇ ਪਿਆਸਾ ਸਮੁੰਦਰ ਹੈ l

ਅਜਬ ਸੀ ਕਸ਼ਮਕਸ਼ ਚੱਲਦੀ ਪਈ ਇੱਕ ਮੇਰੇ ਅੰਦਰ ਹੈ l

ਜੋ ਆਲੀਸ਼ਾਨ ਜਿਹਾ ਮਕਾਨ ਤੈਨੂੰ ਨਜ਼ਰ ਆਇਆ ਸੀ, 

ਓਹਦੇ ਬੂਹੇ ਨੂੰ ਘੁਣ ਲਗਿਆ ਤੇ ਅੰਦਰੋਂ ਨਿਰਾ ਖੰਡਰ ਹੈ l

ਗੁਮਾਨ ਕਰਨਾ ਵੀ ਹੋਵੇ ਮੈਂ ਤਾਂ ਦੱਸੋ ਕਰਾਂ ਕਿਸ ਗੱਲ ਤੇ, 

ਜਿੱਤਿਆ ਹੋਇਆ ਖ਼ਾਲੀ ਮੁੜ ਗਿਆ ਏਥੋਂ ਸਿਕੰਦਰ ਹੈ l

ਮੈਂ ਕਿਉਂ ਕਰ ਦਰ-ਬ-ਦਰ ਜਾਵਾਂ ਮੇਰਾ ਮਾਹੀ ਵੱਸੇ ਜਿੱਥੇ, 

ਮੇਰਾ ਕਾਬਾ ਵੀ ਓਥੇ ਹੈ ਮੇਰਾ ਓਥੇ ਹੀ ਮੰਦਰ ਹੈ l

ਉਹਦੀ ਕਿਸ਼ਤੀ ਤੂਫਾਨਾਂ ਨਾਲ ਯਾਰੀ ਪਾ ਹੀ ਲੈਂਦੀ ਹੈ, 

ਕਿ ਗੁਜ਼ਰੀ ਉਮਰ ਜਿਸਦੀ ਹੋਵੇ ਸਾਰੀ ਵਿੱਚ ਬਵੰਡਰ ਹੈ l

@ਪਰਜਿੰਦਰ ਕੌਰ ਕਲੇਰ

 

Follow Parjinder Kaur Kaler (On Facebook)