ਦੁਨੀਆਂ ਵਿਚ ਕਰੋਨਾ ਵਾੜ ਕੇ
ਇੰਡੀਆ ਦੇ ਵਿੱਚ ਫੌਜ ਹੈ ਵਾੜੀ
ਹਿੰਦੀ ਚੀਨੀ ਭਾਈ ਕਹਿ ਕੇ
ਜਾਵੇ ਜ਼ੁਲਮੀ ਫੌਜਾਂ ਚਾੜੀ
ਫਿਰ ਧੌਖੇ ਨਾਲ ਫੌਜੀ ਮਾਰੇ
ਸੋਚ ਬਹੂਤ ਚਾਈਨਾ ਦੀ ਮਾੜੀ
ਮਖੌਟਾ ਲਾ ਕੇ ਕੌਮਨਿਜਮ ਦਾ
ਦੁੱਨੀਆਂ ਨੂੰ ਸਮਝੇ ਅਨਾੜੀ
ਵਿਸ਼ਵ ਦਾ ਰਾਜਾ ਬਣਨਾ ਲੋਚੇ
ਮੁੱਛਾਂ ਵੱਢੀਆਂ ਛੋਟੀ ਦਾਹੜੀ
ਗੱਲ ਕਰ ਜਿਓ ਜੀਣ ਦਿਓ ਦੀ
ਯੁੱਧ ਵਾਲੀ ਨਾ ਜੋੜ ਘਲਾੜੀ
ਬਾਹਣ ਬਰਾਬਰ ਜੇ ਭੱਜਣਾ ਏ
ਸਭ ਕੁਝ ਹੋ ਜਾਓ ਫਾੜੀ ਫਾੜੀ
ਮਰ ਜਾਵੋਗੇ ਦੋਨੋਂ ਲੜ ਲੜ
ਦੁਨੀਆਂ ਹੱਸੇਗੀ ਮਾਰ ਕੇ ਤਾੜੀ
ਲੰਬੜਦਾਰੀ ਕਰਨ ਦੀ ਖਾਤਰ
ਛੱਜ ਫਸਾ ਨਾ ਬੈਠੀਂ ਝਾੜੀ
ਇੰਡੀਆਂ ਨੂੰ ਸਮਝੀ ਨਾ ਤਿਬਤ
ਵਿਆਹ ਨਾ ਬੈਠੀਂ ਮੋਤ ਤੂੰ ਲਾੜੀ
ਕਬਜ਼ਾ ਧਾਰਕ ਸੋਚ ਛੱਡ ਕੇ
ਬਿੰਦਰਾ ਰਹੋ ਬਣ ਪੱਕੇ ਅਾੜੀ
binderjaanesahit.......
No comments:
Post a Comment