ਅੰਗਰੇਜ਼ੀ ਨਾਲ ਸਾਡੀ ਯਾਰੀ ਹੈ ! ਸਾਨੂੰ ਹਿੰਦੀ ਬਹੁਤ ਪਿਆਰੀ ਹੈ ! ਅਸੀਂ ਹਰ ਭਾਸ਼ਾ ਸਤਿਕਾਰੀ ਹੈ ! ਪੰਜਾਬੀ ਨਾਲ ਸਰਦਾਰੀ ਸਾਡੀ ! ਤਾਂ ਪੰਜਾਬੀ ਨਾਲ ਸਰਦਾਰੀ ਹੈ ! (ਅਰਸ਼ੀ ਜੰਡਿਆਲਾ ਗੁਰੂ )

Search This Blog

Sunday, May 15, 2022

ਚੰਨ ਤਾਰੇ ਤੋੜ ਲਿਆਉਣ ਦੀਆਂ ਗੱਲਾਂ ਕਰਦੇ ਨੇ - ਕਿਰਨ ਕੌਰ



ਚੰਨ ਤਾਰੇ ਤੋੜ ਲਿਆਉਣ ਦੀਆਂ ਗੱਲਾਂ ਕਰਦੇ ਨੇ 
ਰੂਹਾਂ ਨਾਲ ਰੂਹ ਮਿਲਾਉਣ ਦੀਆਂ ਗੱਲਾਂ ਕਰਦੇ ਨੇ 

ਹਾਏ ! ਕਿੰਨੇ ਝੂਠੇ ਹੋ ਗਏ ਨੇ ਅੱਜਕੱਲ੍ਹ ਦੇ ਲੋਕ 
ਰੁੱਸੀ ਨੂੰ ਮਨਾਉਣ ਦੀਆਂ ਗੱਲਾਂ ਕਰਦੇ ਨੇ  

ਇੱਕ ਵੀ ਗੱਲ ਤੇ ਖ਼ਰੇ ਉਤਰਦੇ ਦੇਖੇ ਨੀ 
ਤੇ ਉਮਰ ਭਰ ਨਿਭਾਉਣ ਦੀਆਂ ਗੱਲਾਂ ਕਰਦੇ ਨੇ 

ਦੁੱਖ ਮੇਰੇ ਦਾ ਪੁੱਛਦੇ ਨਾ ਸਿਰਨਾਵਾਂ ਜੋ
ਹੱਥ ਫੜ ਨਾਲ ਖਲੋਣ ਦੀਆਂ ਗੱਲਾਂ ਕਰਦੇ ਨੇ 

ਐ ਦਿਲਾ ! ਇਤਬਾਰ ਕਰੀ ਨਾ ਸੱਜਣਾਂ ਤੇ 
ਇਹ ਗੱਲਾਂ ਵਿਚ ਬਸ ਪਾਉਣ ਦੀਆਂ ਗੱਲਾਂ ਕਰਦੇ ਨੇ ।
~ ਕਿਰਨ ਕੌਰ






No comments:

Post a Comment