ਸਾਦ ਮੁਰਾਦੀ ਜੀਵਨ ਜਾਚ ਸਿਖਾਉਂਦਾ ਹੈ ।
ਨਾਮ ਕਰੋਨਾ ਵਾਇਰਸ ਜੋ ਅਖਵਾਉਂਦਾ ਹੈ ।
ਬੰਦੇ, ਬੰਦਾ ਬਣਕੇ ਬੰਦਗੀ ਕੀਤੀ ਨਾ,
ਬੰਦ ਪਏ ਦਰਵਾਜੇ, ਹੁਣ ਪਛਤਾਉਂਦਾ ਹੈ ।
ਹਾਸੇ ਠੱਠੇ ਯਾਰਾਂ ਦੇ ਸੰਗ ਚੇਤੇ ਨੇ,
ਤਾਂ ਹੀਂ ਬੰਦਾ, ਬੰਦ ਕਮਰੇ ਵਿਚ ਸੌਂਦਾ ਹੈ ।
ਰਿਸ਼ਤੇਦਾਰੀ ਸੈਨੇਟਾਈਜ਼ਡ ਹੋਈ ਹੁਣ,
ਬੰਦਾ ਉੱਤੋਂ ਉੱਤੋਂ ਫਰਜ਼ ਨਿਭਾਉਂਦਾ ਹੈ ।
ਤਨ ਮਨ ਦੀ ਨਾ ਮੈਲ ਉਤਾਰੀ ਹਾਲੇ ਵੀ,
ਅਠਸਠ ਤੀਰਥ ਐਵੇਂ ਫਿਰਦਾ ਨ੍ਹਾਉਂਦਾ ਹੈ ।
ਏਕ ਪਿਤਾ ਹੈ, ਏਕਸ ਕੇ ਹਮ ਬਾਰਕ ਹੈਂ,
ਦਰ ਦਰ ਫਿਰਦਾ ਐਵੇਂ ਅਲਖ ਗਜਾਉਂਦਾ ਹੈ ।
ਔਨ-ਲਾਇਨ ਹੀ ਇਸ਼ਕ ਮਸ਼ੂਕੀ ਰਹਿ ਗਈ ਏ,
ਹੁਣ ਨਾ ਰਾਂਝਾ, ਬੇਲੇ ਦੇ ਵਿੱਚ ਗਾਉਂਦਾ ਹੈ ।
ਤੋੜ ਵਿਛੋੜੇ ਲੱਗਣ ਨਾਲੋਂ ਪਹਿਲਾਂ ਹੀ,
ਅੱਜ-ਕੱਲ੍ਹ ਕਿਹੜਾ ਲੱਗੀਆਂ ਤੋੜ ਨਿਭਾਉਂਦਾ ਹੈ ।
ਬਦਲ ਗਏ ਕਿਰਦਾਰ ਤੇ ਚਿਹਰੇ ਮੋਹਰੇ ਵੀ,
ਅੱਲ੍ਹਾ ਜਾਣੇ ਕੀ ਕੀ ਖੇਲ੍ਹ ਰਚਾਉਂਦਾ ਹੈ ।
ਇਸ ਸੰਸਾਰ 'ਚ ਵਾਂਗ ਮੁਸਾਫਰ ਆਏ ਹਾਂ,
'ਰਾਜਨ' ਵਿੱਚ ਰਜ਼ਾ ਦੇ ਜਿਉਣਾ ਚਾਹੁੰਦਾ ਹੈ ।
-ਸ਼ੇਲਿੰਦਰਜੀਤ ਸਿੰਘ ਰਾਜਨ
(98157-69164)
No comments:
Post a Comment