ਜੱਗ ਤੋਂ ਕੁੱਝ ਨਾ ਮੰਗਿਆ
ਬਸ ਆਦਰ ਚਾਹਵਾਂ
ਮਹਿਨਤ ਕਰਕੇ ਕਰਾਂਗੀ
ਮੈਂ ਠੰਡੀਆਂ ਛਾਵਾਂ
ਮੰਜ਼ਿਲ ਵੱਲ ਨੂੰ ਵੱਧਦਿਆਂ
ਅੱਜ ਘਿਰੀਆਂ ਰਾਹਵਾਂ
ਸਮਝ ਨਹੀਂ ਕੁਝ ਆ ਰਿਹਾਂ
ਕਿੱਧਰ ਹੁਣ ਜਾਵਾਂ
ਇਕੱਲੀ ਜਿੰਦੜੀ ਫ਼ਸ ਗਈ
ਕਿੰਝ ਜਾਨ ਬਚਾਵਾਂ
ਖੋਰੇ ਕਿੱਥੇ ਰਹਿ ਗਈਆਂ
ਵੀਰਾਂ ਦੀਆਂ ਬਾਹਵਾਂ
ਹਾੜਾ ਰੱਬ ਦਾ ਵਾਸਤਾ
ਹੁਣ ਤਰਲੇ ਪਾਵਾਂ
ਚਿੜੀ ਰਹੀ ਚਿਲਾਮਦੀ
ਪੱਤ ਲੁੱਟੀ ਲਈ ਕਾਵਾਂ
ਕਿੰਝ ਦੱਸਾਂ ਦੁੱਖ ਫੋਲ ਹੁਣ
ਸਾਥ ਛੱਡਿਆ ਸਾਹਵਾਂ
ਨਜਰਾਂ ਲੱਗੀਆਂ ਲਾਹਣਤੀ
ਅੱਜ ਮੇਰਿਆਂ ਚਾਵਾਂ
ਖੂਨੀ ਸ਼ੇਰ ਜੱਗ ਬਿੰਦਰਾ
ਨਿੱਤ ਤੜਪਣ ਗਾਵਾਂ
ਡਰ ਡਰ ਜਿੰਦਗੀ ਜਿੰਦੀਆਂ
ਭੈਣਾਂ ਤੇ ਮਾਂਵਾਂ
Binder jaan e sahit
No comments:
Post a Comment