ਅਸੀਂ ਪੁਰਾਣੇ ਪੱਕੇ ਕਨੇਡੀਅਨ
ਕਰਦੇ ਨਹੀਂ ਹੰਕਾਰ ।
ਬੜਾ ਕਮਾਇਆ ਪੈਸਾ ਅਸਾਂ ਨੇ
ਸੈਟ ਹੁਣ ਕਾਰੋਬਾਰ।
ਘਰ ਖਰੀਦੇ ਮੰਹਿਗੇ ਮੰਹਿਗੇ
ਚੜ੍ਹਿਆ ਬਹੁਤ ਕੰਮਕਾਰ ।
ਪਰ ਏ ਸਟੱਡੀ ਪਰਮਿਟ ਵਾਲੇ
ਸਾਨੂੰ ਜਾਪਦੇ ਭਾਰ ।
ਸਟੂਡੈਟਾਂ ਨਾਲ ਨਫ਼ਰਤ ਭਾਵੇਂ
ਪਰ ਹੈ ਰੈਂਟ ਨਾਲ ਪਿਆਰ ।
ਲੱਤਾਂ ਖਿੱਚਣੀਆ ਫਿਤਰਤ ਸਾਡੀ
ਧਾਰਮਿਕ ਸਾਡੇ ਵਿਚਾਰ ।
ਪੰਜਾਬ ਤੋਂ ਹੀ ਅਸੀਂ ਲੈ ਕੇ ਆਏ
ਈਰਖਾ ਅਤੇ ਤਕਰਾਰ ।
ਰਿਸ਼ਤੇਦਾਰ ਵੀ ਰਗੜੇ ਅਸੀਂ ਤਾਂ
ਭੁੱਲਕੇ ਸਭ ਉਪਕਾਰ ।
ਕੋਈ ਸੁਖਾਲੀ ਜਿ਼ੰਦਗੀ ਜੀ ਲਵੇ
ਨਹੀਂ ਸਾਨੂੰ ਸਵੀਕਾਰ ।
ਅਸੀ ਤਾਂ ਝੂਠੇ ਵਿਆਹ ਕਰਵਾ ਕੇ
ਬੜੇ ਅੌਖੇ ਆਏ ਬਾਹਰ।
ਪੜ੍ਹੇ ਲਿਖੇ ਸਾਨੂੰ ਭਾਉਂਦੇ ਨਾਹੀਂ
ਅਨਪੜ੍ਹ ਅਸੀਂ ਗਵਾਰ ।
ਟਰੂਡੋ ਕਾਹਤੋਂ ਜਿੱਤ ਗਿਆ ਫਿਰ
ਸਾਨੂੰ ਨਹੀ ਸਵੀਕਾਰ ।
ਸਟੱਡੀ ਪਰਮਿਟ ਬੰਦ ਕਰੇ ਜੋ
ਪਸੰਦ ਉਹੀ ਸਰਕਾਰ ।
ਸੁਧਰਨਾ ਕੀ ਅਸੀਂ ਆ ਕੇ ਬਿੰਦਰਾ
ਸੱਤ ਸਮੰਦਰੋ ਪਾਰ ।
binderjaanesahit........
No comments:
Post a Comment