ਧੀ ਦੇ ਬੋਲ - Hakam Singh Meet

ਕਵਿਤਾ " ਧੀ ਦੇ

 ਬੋਲ "

" ਟੁੱਟੀ ਤਾਂ ਮੈਂ ਉੱਦੋ ਨੀ "

ਜਦੋਂ ਸਾਰੇ ਪੀੑਵਾਰ ਦੀ ਮਰਜ਼ੀ ਨਾਲ ,

ਮਾਂ ਨੂੰ ਜ਼ਬਰਦਸਤੀ ਡਾਕਟਰ ਕੋਲ ,

ਭੇਜ ਦਿੱਤਾ ਸੀ,ਮੇਰੇ ਟੋਟੇ ਕਰਵਾਉਣ ,

ਲਈ ।

" ਟੁੱਟੀ ਤਾਂ ਮੈਂ ਉੱਦੋ ਨੀ "

ਜਦੋਂ ਜੰਮਦੀ ਤੇ ਈ ਦਾਦੀ ਨੇ ਆਖ ,

ਦਿੱਤਾ ਸੀ । ਪਹਿਲਾਂ ਈ ਜੀਅ ਪੱਥਰ ,

ਮਾਰਿਆ ਸਾਡੇ ਮੱਥੇ ।

" ਟੁੱਟੀ ਤਾਂ ਮੈਂ ਉੱਦੋ ਨੀ "

ਜਦੋਂ ਮੈਨੂੰ ਬਿਨਾਂ ਪੁੱਛੇ ਪੰਜ਼ਾਹ ਸਾਲ ,

ਦੇ ਨਾਲ ਮੜ ਦਿੱਤਾ ਸੀ ਮੈਨੂੰ ਸਾਰੀ ,

ਜਿੰਦਗੀ ਲਈ ।

" ਟੁੱਟੀ ਤਾਂ ਮੈਂ ਉੱਦੋ ਨੀ "

ਜਦੋਂ ਮਾਂ ਨੂੰ ਆਖਤਾ ਸੀ ਜੇ ਪੱਥਰ ਹੀ ,

ਜੰਮਣੇ ਨੇ ਫਿਰ ਤੇਰੇ ਲਈ ਘਰ ਵਿੱਚ ਕੋਈ ,

ਥਾਂ ਨਹੀਂ । ਦਾਦੀ ਆਪਣਾ ਭੁੱਲ ਗਈ ,

ਕਿ ਮੈਂ ਵੀ ਚਾਲੀ ਸਾਲ ਪਹਿਲਾਂ ਪੱਥਰ ,

ਹੀ ਜੰਮੀ ਸੀ ।

" ਟੁੱਟੀ ਤਾਂ ਮੈਂ ਉੱਦੋ ਨੀ "

ਜਦੋਂ ਨਿੱਕੇ ਵੀਰੇ ਦੇ ਜਨਮ ਦਿਨ ਤੇ ,

ਪੰਜ਼ਾਹ ਹਜ਼ਾਰ ਰੁਪਏ ਖਰਚ ਕੀਤੇ ਸੀ।

ਮੇਰਾ ਜਨਮ ਦਿਨ ਆਇਆ ਤਾਂ ਆਖਤਾ ,

ਕੁੜੀਆਂ ਦੇ ਜਨਮ ਦਿਨ ਨਹੀਂ ਮਨਾਈ ਦੇ ।

" ਟੁੱਟੀ ਤਾਂ ਮੈਂ ਉੱਦੋ ਨੀ "

" ਮੀਤ " ਮੈਂ ਪਿਓ ਦੀ ਪੱਗ ਨੂੰ ਤੇ ਮਾਂ ਦੀ ,

ਚੁੰਨੀ ਨੂੰ ਦਾਗ ਨਹੀਂ ਲਾਇਆ ਸੀ।

ਆਪਣੀ ਮਰਜ਼ੀ ਦੀ ਪੜਾਈ ਕਰਨ ਪਿੱਛੇ ,

ਕੁੱਟਿਆ ਮਾਰਿਆ ਗਿਆ ਸੀ । ਮੈਨੂੰ ਰੋਣ ,

ਵੀ ਨਹੀਂ ਦਿੱਤਾ ਸੀ ।

ਇਹ ਨੇ ਇੱਕ ਨਿਮਾਣੀ " ਧੀ ਦੇ ਬੋਲ "

ਹਾਕਮ ਸਿੰਘ ਮੀਤ

ਮੰਡੀ ਗੋਬਿੰਦਗਡ਼੍ਹ :-2,6,2017