ਸਾਡਾ ਕਿਹੜਾ ਡੁੱਲਿਆ ਨਾ ਧਰਤੀ ਦੇ ਉੱਤੇ ਪਸੀਨਾ ਮਾਂ
ਮਾਂ ਵਰਗੀਆਂ ਕਿਉਂ ਨਾ ਆਈਆਂ ਸਾਡੇ ਹਿੱਸੇ ਜ਼ਮੀਨਾ ਮਾਂ ?
ਸਰਦਾਰਾਂ ਦੀ ਵਿਹਲੀ ਘੋੜੀ ਖਾਂਦੀ ਦੋਧੇ ਮੱਕੀ ਦੇ
ਸਾਡੀ ਤੋਕੜ ਗਾਂ , ਬੱਕਰੀ ਕਿਉਂ ਪਲ਼ਦੇ ਨਾਲ਼ ਨਦੀਨਾ ਮਾਂ ?
ਕੁੱਝ ਲੋਕਾਂ ਦੇ ਹਿੱਸੇ ਆਏ ਰੋਜ਼ ਤਿਉਹਾਰਾਂ ਵਰਗਾ ਦਿਨ
ਅਪਣੇ ਉੱਤੇ ਕਿਉਂ ਚੜਦਾ ਹੈ ਕਹਿਰਾਂ ਦਾ ਹਰ ਮਹੀਨਾ ਮਾਂ ?
ਪਿੰਡ ਵਿੱਚ ਬੜੇ ਵਿਹਲੇ ਬੰਦੇ ਢਿੱਡ ਵਧਾਈ ਫਿਰਦੇ ਨੇ
ਬਾਪੂ ਦੀ ਢੂਹੀ ਦੇ ਉੱਤੋਂ ਕਿਉਂ ਸੁਕਦਾ ਨਾ ਪਸੀਨਾ ਮਾਂ ?
ਬਾਜਾਂ ਵਾਲ਼ੀ ਟੈਂਕੀ ਆਪਾਂ ਕਦ ਛੱਤ ਉੱਤੇ ਰੱਖਾਂਗੇ
ਅਪਣੀ ਛੱਤ ਤੋਂ ਕਦ ਤੱਕ ਚੋਂਦੀਆਂ ਰਹਿਣੀਆਂ ਟੀਨਾ ਮਾਂ ?
ਤੇਲ ਸਰੋਂ ਦਾ ਲਾ ਕੇ ਤੂੰ ਕਿਉਂ ਥੰਦਾ ਜਿਹਾ ਮੂੰਹ ਕਰ ਲੈਂਦੀ
ਤੂੰ ਲਾ ਕਰੀਮਾਂ ਬਣਦੀ ਕਿਉਂ ਨਾ ਹੋਰਾਂ ਵਾਂਗ ਹੁਸੀਨਾ ਮਾਂ ?
ਉਸ ਮੁੰਡੇ ਨੇ ਤੈਨੂੰ ਕਿਉਂ ਗਾਲ਼ਾ ਦੀ ਛਾਂ ਕਰ ਦਿੱਤੀ ਸੀ
ਜਦ ਤੂੰ ਮੋਟਰ ਦੇ ਕੁੰਡ ਕੋਲ਼ੋ ਤੋੜਿਆ ਰੁੱਗ ਪੁਦੀਨਾ ਮਾਂ ?
ਸਾਡੇ ਘਰ ਵਿੱਚ ਟੁੱਟਾ ਸਾਇਕਲ ਉੱਤੋਂ ਉਹ ਚਲਦਾ ਨਾ
ਸ਼ਾਹਾਂ ਦੇ ਘਰ ਆਈਆਂ ਏਨੀਆਂ ਕਿੱਥੋਂ ਮਸ਼ੀਨਾ ਮਾਂ ?
ਜਗਜੀਤ ਗੁਰਮ
99152 64836
Saturday, November 25, 2017
Sada Kehda Doleya Na - Jagjit Gurm
About Sheyar Sheyri Poetry Web Services
All material in this web is copyrighted
No, because all this data
belongs to others who belong to different poets. Copied from other web and found on this web because by reading the ideas of the story to others with poems and ghazals, the poet becomes famous far and wide. Identifying is our main goal so read the poem yourself from this web and read it to others and encourage the literary poets who are serving the mother tongue
- thank you
ਇਸ ਵੈੱਬ ਵਿਚ ਸਾਰਾ ਹੀ ਮਟੀਰੀਅਲ ਕੋਪੀਰਾਈਟ
ਨਹੀਂ ਹੈ ਕਿਉਂਕਿ ਇਹ ਸਾਰਾ ਡਾਟਾ ਦੂਜਿਆਂ ਦਾ ਹੈ ਜੋ ਕੇ ਅਲੱਗ ਅਲੱਗ ਕਵੀਆਂ ਦਾ ਹੈ ਦੂਸਰੀਆਂ ਵੈੱਬ ਤੋਂ ਕਾਪੀ ਕਰ ਕੁ ਇਸ ਵੈੱਬ ਤੇ ਪਾਇਆ ਗਿਆ ਹੈ ਕਿਉਂਕਿ ਕਵਿਤਾਵਾਂ ਤੇ ਗ਼ਜ਼ਲਾਂ ਨਾਲ ਕਹਾਣੀ ਦੇ ਵਿਚਾਰ ਦੂਜਿਆਂ ਨੂੰ ਪੜ੍ਹਾਉਣੇ ਨਾਲ ਕਵੀ ਦੀ ਮਸਹੂਰੀ ਹੁੰਦੀ ਹੈ ਕਵੀ ਦੀ ਦੂਰ ਦੂਰ ਤਕ ਪਹਿਚਾਣ ਕਰਵਾਉਣੀ ਸਾਡਾ ਮੁੱਖ ਟੀਚਾ ਹੈ ਇਸ ਲਈ ਇਸ ਵੈੱਬ ਤੋਂ ਕਵਿਤਾ ਖੁਦ ਪੜੋ ਤੇ ਹੋਰਾਂ ਨੂੰ ਵੀ ਪੜ੍ਹਾਓ ਤੇ ਸਾਹਿਤਕ ਕਵੀਆਂ ਨੂੰ ਹੋਂਸਲਾ ਦਿਓ ਜੋ ਮਾਂ ਬੋਲੀ ਦੀ ਸੇਵਾ ਕਰ ਰਹੇ ਹਨ - ਧੰਨਵਾਦ
Subscribe to:
Post Comments (Atom)
No comments:
Post a Comment