ਯਾਰੜਿਆ ਕਿਤੇ ਭੁੱਲ ਭੁਲੇਖੇ
ਆ ਦੁਖੀਆਂ ਦੇ ਵਿਹੜੇ ਵੇ
ਉਮਰ ਬੀਤ ਗਈ ਤੱਕਿਆਂ ਤੈਨੂੰ
ਟੁਰ ਗਿਉਂ ਦੇਸ ਤੂੰ ਕਿਹੜੇ ਵੇ
ਨੈਣਾਂ ਦਾ ਹੱਜ ਓਦੋਂ ਹੋਣਾਂ
ਜਦ ਤੈਨੂੰ ਇਹਨਾ ਤੱਕਣਾ ਏ
ਰੁੱਤਾਂ ਨੇ ਮੁੜ ਬਾਗੀਂ ਆਉਣਾਂ
ਜਦ ਤੂੰ ਖਿੜ ਖਿੜ ਹੱਸਣਾ ਏ
ਹਿਜ਼ਰ ਤੇਰੇ ਵਿੱਚ ਝੱਲੀ ਜਿੰਦ ਨੇ
ਕੀ ਕੀ ਦੁੱਖ ਸਹੇੜੇ ਵੇ
ਯਾਰੜਿਆ ਕਿਤੇ ਭੁੱਲ ਭੁਲੇਖੇ
ਆ ਦੁੱਖੀਆਂ ਦੇ ਵਿਹੜੇ ਵੇ
ਗੀਤ ਮੇਰੇ ਤੈਨੂੰ ਚੇਤੇ ਕਰ ਕਰ
ਹੌਕੇ ਭਰਦੇ ਰਹਿੰਦੇ ਨੇ
ਸੁਪਨੇ ਦੇ ਵਿੱਚ ਸ਼ਹਿਰ ਤੇਰੇ ਦੀਆਂ
ਜੂਹਾਂ ਲੱਭਦੇ ਰਹਿੰਦੇ ਨੇ
ਵਗਦੀਆਂ ਪੌਣਾਂ ਦੇ ਹੱਥ ਘੱਲੇ
ਨਿਤ ਹੀ ਲੱਖ ਸੁਨੇਹੜੇ ਵੇ
ਯਾਰੜਿਆ ਕਿਤੇ ਭੁੱਲ ਭੁਲੇਖੇ
ਆ ਦੁੱਖੀਆਂ ਦੇ ਵਿਹੜੇ ਵੇ
ਸੁੰਨਮ ਸੁੰਨੀਆਂ ਦਿਲ ਦੀਆਂ ਗਲੀਆਂ
ਸੁੰਨੇ ਪਏ ਬਨੇਰੇ ਨੇ
ਬਿਰਹੋ ਜਾਈਆਂ ਦੇ ਘਰ ਸੱਜਣਾ
ਮੁੱਢ ਤੋਂ ਘੁੱਪ ਹਨੇਰੇ ਨੇ
ਖੋਲ ਦੇ ਬੂਹੇ ਨੈਣਾ ਵਾਲੇ
ਬੜੇ ਚਿਰਾਂ ਤੋਂ ਭੇੜੇ ਵੇ
ਯਾਰੜਿਆ ਕਿਤੇ ਭੁੱਲ ਭੁਲੇਖੇ
ਆ ਦੁੱਖੀਆਂ ਦੇ ਵਿਹੜੇ ਵੇ
ਰੂਹ ਤੱਤੜੀ ਨੂੰ ਜਦ ਵੀ ਅੜਿਆ
ਚੇਤੇ ਤੇਰੇ ਆਉਂਦੇ ਨੇ
ਹਿਜ਼ਰਾ ਵਾਲੇ ਗੀਤ ਮੇਰੇ
ਤੈਨੂੰ ਵਾਜਾਂ ਮਾਰ ਬੁਲਾਉਂਦੇ ਨੇ
ਯਾਦ ਤੇਰੀ ਆ ਅੱਧੀ ਰਾਤੀਂ
ਖੂਹ ਨੈਣਾ ਦੇ ਗੇੜੇ ਵੇ
ਯਾਰੜਿਆ ਕਿਤੇ ਭੁੱਲ ਭੁਲੇਖੇ
ਆ ਦੁਖੀਆਂ ਦੇ ਵਿਹੜੇ ਵੇ
ਉਮਰ ਬੀਤ ਗਈ ਤੱਕਿਆਂ ਤੈਨੂੰ
ਟੁਰ ਗਿਉਂ ਦੇਸ ਤੂੰ ਕਿਹੜੇ ਵੇ
....ਰਣਬੀਰ
Tuesday, December 19, 2017
ਯਾਰੜਿਆ ਕਿਤੇ ਭੁੱਲ ਭੁਲੇਖੇ - Ranbir Badwal
About Sheyar Sheyri Poetry Web Services
All material in this web is copyrighted
No, because all this data
belongs to others who belong to different poets. Copied from other web and found on this web because by reading the ideas of the story to others with poems and ghazals, the poet becomes famous far and wide. Identifying is our main goal so read the poem yourself from this web and read it to others and encourage the literary poets who are serving the mother tongue
- thank you
ਇਸ ਵੈੱਬ ਵਿਚ ਸਾਰਾ ਹੀ ਮਟੀਰੀਅਲ ਕੋਪੀਰਾਈਟ
ਨਹੀਂ ਹੈ ਕਿਉਂਕਿ ਇਹ ਸਾਰਾ ਡਾਟਾ ਦੂਜਿਆਂ ਦਾ ਹੈ ਜੋ ਕੇ ਅਲੱਗ ਅਲੱਗ ਕਵੀਆਂ ਦਾ ਹੈ ਦੂਸਰੀਆਂ ਵੈੱਬ ਤੋਂ ਕਾਪੀ ਕਰ ਕੁ ਇਸ ਵੈੱਬ ਤੇ ਪਾਇਆ ਗਿਆ ਹੈ ਕਿਉਂਕਿ ਕਵਿਤਾਵਾਂ ਤੇ ਗ਼ਜ਼ਲਾਂ ਨਾਲ ਕਹਾਣੀ ਦੇ ਵਿਚਾਰ ਦੂਜਿਆਂ ਨੂੰ ਪੜ੍ਹਾਉਣੇ ਨਾਲ ਕਵੀ ਦੀ ਮਸਹੂਰੀ ਹੁੰਦੀ ਹੈ ਕਵੀ ਦੀ ਦੂਰ ਦੂਰ ਤਕ ਪਹਿਚਾਣ ਕਰਵਾਉਣੀ ਸਾਡਾ ਮੁੱਖ ਟੀਚਾ ਹੈ ਇਸ ਲਈ ਇਸ ਵੈੱਬ ਤੋਂ ਕਵਿਤਾ ਖੁਦ ਪੜੋ ਤੇ ਹੋਰਾਂ ਨੂੰ ਵੀ ਪੜ੍ਹਾਓ ਤੇ ਸਾਹਿਤਕ ਕਵੀਆਂ ਨੂੰ ਹੋਂਸਲਾ ਦਿਓ ਜੋ ਮਾਂ ਬੋਲੀ ਦੀ ਸੇਵਾ ਕਰ ਰਹੇ ਹਨ - ਧੰਨਵਾਦ
Subscribe to:
Post Comments (Atom)
No comments:
Post a Comment